काठमाडौं ७, पुष ।
पछिल्लो २४ घण्टामा नेपालमा थप ७ सय २२ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ७ सय २२ जनामा कोरोना संक्रमण देखिएको हो ।

जसमध्ये ३१० जना महिला र ४१२ जना पुरुष रहेका छन् । यससँगै अहिलेसम्म नेपालमा कोरोना संक्रमित हुनेको संख्या २ लाख ५५ हजार २३६ पुगेको छ । पछिल्लो २४ घण्टामा ९६६ जना कोरोना संक्रमित निको भएर घर फर्किएका छन् ।

अहिलेसम्म निको भएर घर फर्किनेमा २ लाख ४५ हजार ७०९ जना रहेका छन् । निको हुने दर नेपालमा ९६।३ प्रतिशत रहेको छ । नेपालमा पछिल्लो २४ घण्टामा ३ जना कोरोना संक्रमितको मृत्यु भएको छ । हालसम्म नेपालमा १७९८ जना कोरोना संक्रमितको मृत्यु भएको छ ।