डडेल्धुरा ४, पुस ।
डडेल्धुरा अस्पतालमा भेन्टिलेटरसहित मेडिकल आईसीयू सेवा सुरु भएको छ। अस्पतालले ५ वेडको मेडिकल आईसीयू र ४ वटा भेन्टिलेटरसहितको उपचार सेवा सुरु गरेको हो।

संघीय सरकारको बजेटमा १५ वटा आईसीयू सञ्चालन गर्ने भनिए तापनि भवन अभावका कारण हाललाई ५ वेडको आईसीयू सेवा सुरु गरेको डडेल्धुरा अस्पतालका एनेस्थेसियोलोजी तथा क्रिटिकल केयरका प्रमुख डा तिर्थराज भण्डारीले बताउनुभयो ।

अस्पतालले एक हप्ता भित्र ६ वेडको आईसीयू थप गर्ने तयारी थालेको अस्पतालका निमित्त मेसु डा राजन शाहले जानकारी दिनुभयो। थप हुने आईसीयू वेडमा ३ वटा कोरोना विशेष बिरामीका लागी र ३ वटा पोष्टअप केयरका लागि सर्जिकल आईसीयू हुने छ।

५ वेडको आइसियु सञ्चालनका लागि अस्पतालले तालिम प्राप्त ४ जना स्टाफ नर्स, ३ जना मेडिकल अफिसर थप गरेको निमित्त मेसु डा शाहले बताउनुभयो ।