काठमाडौं २०, मंसिर ।
देशभरका प्रयोगशालामा गरिएको पीसीआर परीक्षणमा शनिबार १ हजार २४ जनामा कोरोना भाइरस संक्रमण पुष्टि भएको छ ।
६ हजार ७४ नमुना परीक्षण गर्दा ४०२ जना महिला र ६२२ जना पुरुषमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
योसँगै देशभर कोरोना भाइरस संक्रमण पुष्टि हुनेहरुको कुल संख्या २ लाख ३९ हजार ८८५ पुगेको छ । पछिल्लो २४ घण्टामा देशभर २ हजार २०६ जना संक्रमण मुक्त भएर डिस्चार्ज भएका छन् ।
योसँगै कोरोना संक्रमण मुक्त हुनेहरुको संख्या २ लाख २४ हजार ५३ पुगेको छ ।
अब देशभर १४ हजार २५५ जना सक्रिय संक्रमित रहेका छन् ।
