कोहलपुर १९, मंसिर ।
बाँकेको बैजनाथमा शुक्रबार बृहत रक्तदान गरिएको छ । राष्ट्रिय युवा संघ बाँके बैजनाथ गाउँपालिका कमिटीको आयोजनामा गरिएको रक्तदान कार्यक्रममा तीनसय बढीले रगतदान गरेका छन् ।
प्रभात मावि जि गाउँमा सम्पन्न कार्यक्रममा ३४५ जनाले रक्तदान गरेको युवा संघ बाँकेका संयोजक कुश्माखर बस्यालले जानकारी दिनुभयो । बस्यालका अनुसार रगत अभावमा कसैको ज्यान जान नपरोस् भन्ने उद्देश्यले रक्तदान गरिएको हो ।
