धनगढी १९,मंसिर ।
पछिल्लो २४ घण्टामा सुदूरपश्चिम प्रदेशका विभिन्न प्रयोगशालामा गरिएको पीसीआर परीक्षणमा थप ९१ जनामा कोरोना भाइरस संक्रमण पुष्टि भएको छ ।
सेती प्रादेशिक अस्पताल धनगढीको प्रयोगशालामा १७ जना, अछाममा रहेको प्रयोगशालामा ४१ जना,बझाङमा रहेको प्रयोगशालामा ९ जना र जिल्ला अस्पताल डोटीको प्रयोगशालामा गरिएको परीक्षणमा थप ५ जनामा कोरोना पुष्टि भएको छ ।
त्यस्तै डडेल्धुरा अस्पतालको प्रयोगशालामा १९ जना संक्रमित थपिएका छन् । योसँगै सुदूरपश्चिम प्रदेशमा कोरोना संक्रमितको कुल संख्या ११ हजार ५६३ पुगेको छ । ९ हजार ६ सय २८ जना संक्रमण मुक्त भएर डिस्चार्ज भएका छन् ।
कोभिड संक्रमणका कारण प्रदेशमा हाल सम्म ४० जनाले ज्यान गुमाएका छन् । प्रदेशमा १ हजार ८९५ जना सक्रिय संक्रमित रहेको मन्त्रालयले जनाएको छ ।
