नेपालगन्ज १८, मंसिर ।
भेरी अस्पताल नेपालगन्जमा थप एक जनाको कोरोना संक्रमणका कारण ज्यान गएको छ । सुर्खेत भेरीगङ्गा नगरपालिका-९ का ७० वर्षीय पुरुषको विहीबार बिहान मृत्यु भएको हो ।
ती पुरुष मंसिर ८ गते अस्पताल भर्ना भएका थिए । रोगको प्रकृति अनुसार सबै उपचार विधि अपनाउँदा समेत उनको स्वास्थ्यमा सुधार नदेखिएपछि आज विहान १०ः५६ बजे मृत्यु भएको जिल्ला कोभिड-१९ संकट ब्यवस्थापन केन्द्र बाँकेले जनाएको छ ।
यो सँगै बाहिरी जिल्लाबाट बाँकेमा उपचारका लागि आएका मृतक संंख्या ५३ पुगेको छ ।
