नेपालगन्ज ९, मंसिर ।

प्यूठान नौबाहिनी गाउँपालिका–६ का ७८ वर्षीय कोरोना संक्रमित पुरुषको नेपालगंन्जमा मृत्यु भएको छ ।

स्वास्थ्यमा समस्या भएपछि ७८ वर्षीयलाई कात्तिक ३० गते कोहलपुर मेडिकल कलेजमा ल्याइएको थियो । मंसिर एक गते कोरोना पोजिटिभ रिपोर्ट आयो । २ गते उनलाई भेरी अस्पताल, नेपालगन्जमा ल्याइएको थियो ।

भेरी अस्पतालमै उपचारको क्रममा मंगलबार बिहान नौ बजे ती पुरुषको मृत्यु भएको छ । बाँकेमा बाहिरी जिल्लाबाट उपचार गराउन आउदा मृत्यु हुनेको संख्या बढ्दै गएको छ । अहिलेसम्म ४८ जनाको मृत्यु भएको छ ।