नेपालगन्ज ९, मंसिर ।
बाँकेमा मंगलवार थप २६ जना कोरोना भाइरसका संक्रमित फेला परेका छन । जिल्लाका तीन वटा प्रयोगशालामा गरिएको परिक्षणमा २६ जनामा संक्रमण पुष्टि भएको जिल्ला कोभिड १९ संकट ब्यवस्थापन केन्द्र बाँकेका फोकलपर्सन नरेश श्रेष्ठले जानकारी दिनुभयो । ती प्रयोगशालामा गरिएको परिक्षणमा बाहिरी जिल्लाका १३ जनामा पनि संक्रमण देखिएको छ ।
भेरी अस्पताल नेपालगन्जको प्रयोगशालामा गरीएको परिक्षणमा जिल्लाभित्रका ४ र जिल्ला बाहिरका ४, नेपालगन्ज मेडिकल कलेज शिक्षण अस्पताल कोहलपुरको प्रयोगशालामा परिक्षणमा जिल्लाभित्रका १५ र जिल्ला बाहिरका ८ र वागेश्वरीको प्रयोगशालामा गरिएको परिक्षणमा जिल्लाभित्रका १ र जिल्ला बाहिरका १ जनामा संक्रमण पुष्टि भएको हो । योसँगै बाँकेमा कोरोना संक्रमित हुनेको संख्या ३ हजार ७ सय ७३ पुगेको छ ।
यसअघि आजै कोरोना संक्रमणमुक्त हुँदै बाँकेबाट २८ जना डिस्चार्ज भएका थिए । बाँकेमा हालसम्म कोरोना संक्रमणबाट मुक्त हुनेको संख्या ३ हजार ५५८ पुगेको छ ।
