नेपालगन्ज ८, मंसिर ।
सोमबार बाँकेका ३६ जनामा कोरोना संक्रमण पुष्टि भएको छ । जिल्लामा रहेको भेरी अस्पतालको प्रयोगशालामा २१ जना, नेपालगन्ज मेडिकल कलेज कोहलपुरको प्रयोगशालामा १४ जना र कोहलपुर स्थित बागेश्वरी ल्याबमा १ जनामा कोभिड संक्रमण पुष्टि भएको जिल्ला कोभिड १९ संकट व्यवस्थापन केन्द्रका फोकल पर्सन नरेश श्रेष्ठले जानकारी दिनुभयो ।
संक्रमण पुष्टि हुनेहरु १५ जना महिला र २१ जना पुरुषहरु छन् । योसँगै बाँकेमा कोरोना संक्रमितहरुको हुल संख्या ३ हजार ७४७ पुगेको छ ।
सोमबार नै बाँके बाहिरका ४० जनामा समेत कोरोना संक्रमण पुष्टि भएको छ ।
भेरी अस्पतालको प्रयोगशालामा ३३ जना र नेपालगन्ज मेडिकल कलेज कोहलपुरको प्रयोगशालामा ७ जना गरि ४० जनामा संक्रमण पुष्टि भएको हो ।
