नेपालगन्ज ३, मंसिर ।
बाँकेका विभिन्न आइसोलेसनबाट बुधवार थप १९ जना कोरोना संक्रमण मुक्त भई डिस्चार्ज भएका छन् ।
कात्तिक २३ गते कोरोना संक्रमण पुष्टि भएपछि आइसोलेट भएर स्वास्थ्य लाभ गरिरहेका १२ जना पुरुष र ७ जना महिला संक्रमण जितेर डिस्चार्ज भएको जिल्ला कोभिड-१९ संकट व्यवस्थापन केन्द्रले जनाएको छ ।
योसँगै जिल्लामा संक्रमण जितेर डिस्चार्ज हुनेहरुको संख्या ३ हजार ३९३ पुगेको छ । जिल्लाका विभिन्न आइसोलेसनमा १७५ जिल्लाकै र ३७ जना जिल्ला बाहिरका गरि करिब २१२ जना स्वास्थ्य लाभ गरिरहेका छन् । बाँकेमा विरामीको निको हुने दर प्रति सयमा ९४.१२ प्रतिशत रहेको छ ।
बाँकेमा पछिल्लो २४ घण्टामा ३ जना पुरुषको मृत्यु भएको केन्द्रले जानकारी दिएको छ ।
