नेपालगन्ज २, मंसिर ।
कोराना संक्रमणका कारण नेकपा बाँकेका नेता चन्द्र भुषालको मृत्यु भएको छ ।
कोहलुर नगरपालिका-५ का ५८ वर्षिय भुषालले कात्तिक २९ गते कोरोना संक्रमण आशंकामा श्वाब दिनुभएको थियो । कोहलपुरका व्यवसायी भुषाललाई कात्तिक ३० गते कोरोना संक्रमण पुष्टि भएको थियो ।
मुटुसम्बन्धी रोगबाट ग्रसित भुसालको नेपालगन्ज मेडिकल कलेजको पीसीआर ल्याबमा कोरोना संक्रमण पुष्टि भएको हो । संक्रमण पुष्टि भएपछि होम आइसोलेसन बस्नुभएका भुसालको स्वास्थ्यमा समस्या आएपछि उहाँ मंसिर २ गते मंगलबार बिहान नेपालगन्ज मेडिकल कलेज कोहलपुरमा भर्ना हुनुभएको थियो ।
स्वास्थ्य झन् बिग्रदै गएपछि थप उपचारका लागि भेरी अस्पताल ल्याउँदै गर्दा मंगलबार साँझ ५:१५ बजे उहाँको मृत्यु भएको जिल्ला कोभिड-१९ संकट व्यवस्थापन केन्द्रका फोकल पर्सन नरेश श्रेष्ठले जानकारी दिनुभयो । मृतक भुसाल नेकपा बाँके जिल्ला कमिटी सदस्य हुनुहुन्छ ।
योसँगै कोरोना संक्रमणका कारण बाँकेमा मृत्यु हुनेहरुको संख्या ३७ जना पुगेको छ ।
