काठमाडौं १, मंसिर ।
काठमाडौं उपत्यकामा करिब ९७ हजार १५९ जनामा कोरोना संक्रमण पुष्टि भएको छ ।
काठमाडौंमा ७८ हजार ६५०, भक्तपुरमा ७ हजार १३० र ललितपुरमा ११ हजार ३७९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । संक्रमण जितेर उपत्यकामा ७९ हजार बढी डिस्चार्ज भएका छन् ।
विभिन्न आइसोलेसनमा करिब १७ हजार ६७१ जनाले स्वास्थ्य लाभ गरिरहेका छन् । कोभिड संक्रमणका कारण उपत्यकामा ४ सय ६३ जनाले ज्यान गुमाएका छन् ।
काठमाडौंमा ३०१, भक्तपुरमा ७६ र ललितपुरमा ८६ जनाको मृत्यु भएको स्वास्थ्य मन्त्रालयले जनाएको छ ।
उपत्यकाका तीन जिल्लासहित झापा, मोरङ, सुनसरी, चितवन, कास्की, नवलपुर, दाङ, रुपन्देही, पाल्पा र कैलालीमा ५०० भन्दा बढी सक्रिय संक्रमित रहेका छन् ।
