नेपालगन्ज, २२ जेष्ठ ।
भारतमा कोरोना भाइरसका कारण ज्यान गुमाउनेको संख्या ६ हजार नाघेको छ । पछिल्लो २४ घण्टामा भारतमा कोरोना भाइरसबाट २६० जनाको मृत्यु भएसँगै भारतमा कोरोना भाइरसका कारण ६ हजार ७५ जनाको मृत्यु भएको भारतको स्वास्थ्य मन्त्रालयले जानकारी दिनुभयो ।

त्यस्तै भारतमा अहिलेसम्म कोरोना भाइरसबाट संक्रमित हुनेको संख्या पनि दुई लाख १६ हजार ९१९ पुगेको छ । पछिल्लो २४ घण्टामा मात्र भारतमा कोरोना भाइरसका नौ हजार ३०४ नयाँ संक्रमित थपिएका छन् । पछिल्लो केही दिनयता भारतमा कोरोना भाइरसका नयाँ संक्रमितको संख्या निरन्तर बढ्दो क्रममा देखिएको छ ।