काठमाडौं २९, कात्तिक ।
देशभरका प्रयोगशालामा गरिएको पीसीआर परीक्षणमा शनिबार थप १ हजार ९४६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार ७५३ नमुना परीक्षण गर्दा १ हजार १३० जना पुरुष र ८१६ जना महिला गरि कुल १ हजार ९४६ जनामा संक्रमण पुष्टि भएको हो ।
योसँगै देशभर कोरोना संक्रमण पुष्टि हुनेहरुको संख्या २ लाख ८ हजार २ सय ९९ पुगेको छ। पछिल्लो २४ घण्टामा देशभरबाट २ हजार ५०३ जना कोरोना भाइरस संक्रमण मुक्त भई डिस्चार्ज भएका छन् ।
योसँगै संक्रमण मुक्त हुनेहरुको कुल संख्या १ लाख ७० हजार ६३२ पुगेको छ।
मन्त्रालयका अनुसार कोरोना भाइरस संक्रमणका कारण थप १३ जनाको मृत्यु भएको छ । योसँगै कोरोना संक्रमणका कारण देशभर मृत्यु हुनेहरुको संख्या १ हजार २१५ पुगेको छ ।
