नेपालगन्ज २८, कात्तिक ।
काग तिहारका दिन बाँकेमा ४४ जना कोरोना संक्रमण मुक्त भई डिस्चार्ज भएका छन् ।
जिल्लामा रहेका विभिन्न संस्थागत आइसोलेसन र होम आइसोलेसनबाट २६ जना महिला र १८ जना पुरुष गरि ४४ जना डिस्चार्ज भएको जिल्ला कोभिड १९ संकट व्यवस्थापन केन्द्रका फोकल पर्सन नरेश श्रेष्ठले जानकारी दिनुभयो ।
कात्तिक १८ गते कोभिड पुष्टि भएपछि विभिन्न आइसोलेसनमा आइसोलेट भएका उहाँहरु डिस्चार्ज भएसँगै बाँकेमा कोरोना संक्रमण मुक्त हुनेको कुल संख्या ३ हजार २३८ पुगेको छ ।
अब जिल्लाका विभिन्न आइसोलेसनमा बाँकेका २४८ जना र जिल्ला वाहिरका २५ जना गरि २७३ जना स्वास्थ्य लाभ गरिरहेको फोकल पर्सन श्रेष्ठले जानकारी दिनुभयो ।
