नेपालगन्ज २६, कात्तिक ।
बाँकेका विभिन्न आइसोलेसनबाट २१ जना डिस्चार्ज भएका छन् ।
कात्तिक १६ गते कोभिड पोजेटिभ भएपछि आइसोलेट भएका १२ जना पुरुष र ९ जना महिला आज बुधवार डिस्चार्ज भएको जिल्ला कोभिड-१९ संकट व्यवस्थापन केन्द्रका फोकल पर्सन नरेश श्रेष्ठले जानकारी दिनुभयो
योसँगै बाँकेमा संक्रमण मुक्त हुनेहरुको कुल संख्या ३ हजार १५० पुगेको छ । जिल्ला र जिल्ला बाहिका गरि २८४ जनाले विभिन्न आइसोलेसनमा स्वास्थ्य लाभ गरिरहेका छन् ।
गत २४ घण्टामा बाँकेमा कोरोना संक्रमणका कारण २ जनाको मृत्यु भएको छ । जिल्लाका ३५ र जिल्ला बाहिर बाट उपचारका क्रममा बाँकेमा आई मृत्यु हुनेहरुको संख्या ३४ पुगेको ।
