जुम्ला २१, जेष्ठ ।
जुम्लामा कोरोना भाइरसको संक्रमण फैलिन नदिन आजदेखि निषेधाज्ञा जारी गरिएको छ ।
जिल्ला प्रशासन कार्यालय जुम्लाले आज बिहान ९ बजेदेखि पर्सि राति १२ बजेसम्मका लागि निषेधाज्ञा जारी गरेको सहायक प्रमुख जिल्ला अधिकारी ओमप्रकाश देवकोटाले जानकारी दिनुभयो ।
जुम्लामा भारतबाट आएका नागरिक र सुरक्षाकर्मीमा कोरोना संक्रमण पुष्टि भएपछि त्यसलाई समुदाय स्तरमा फैलिन नदिन निषेधाज्ञा जारी गरिएको देवकोटाले बताउनुभयो । कसैलाई पनि घरबाट बाहिर ननिस्कन आग्रह गर्दै उहाँले निषेधाज्ञाको अवज्ञा गरे कानुन बमोजिम कारबाही हुने चेतावनी दिनुभयो ।
