नेपालगन्ज २२,कात्तिक ।
बाँकेका विभिन्न आइसोलेसन (संस्थागत तथा होम आइसोलेसन) बाट शनिबार थप ३५ जना कोरोना संक्रमण मुक्त भई डिस्चार्ज भएका छन् ।
कोरोना संक्रमण पुष्टि भएपछि कात्तिक १२ गते जिल्लाका विभिन्न आइसोलेसनमा बसेका १६ महिला र १९ पुरुष गरि ३५ जना डिस्चार्ज भएको बाँकेका कोरोना फोकल पर्सन नरेश श्रेष्ठले जानकारी दिनुभयो ।
योसँगै बाँकेमा संक्रमण जितेर डिस्चार्ज हुनेहरुको संख्या ३ हजार २२ पुगेको छ । जिल्लाका विभिन्न आइसोलेसनमा अब बाँकेका २७९ र जिल्ला बाहिरका २३ गरि ३०२ जना स्वास्थ्य लाभ गरिरहेको जिल्ला कोभिड १९ संकट व्यवस्थापन केन्द्रले जनाएको छ ।
प्रति सयमा ९०.५९ प्रतिशत विरामीको निकोहुने दर रहेको बाँकेमा विरामीको मृत्यु दर १.०५ प्रतिशत रहेको छ ।
