नेपालगन्ज २१, कात्तिक ।
कोरोना संक्रमणबाट बाँकेमा थप एकजनाको मृत्यु भएको छ । राप्तीसोनारी गाउँपालिका-६ शम्शेरगन्जका ४८ बर्षीय पुरुषको शुक्रबार भाइरस संक्रमणबाट मृत्यु भएको हो ।

भेरी अस्पताल नेपालगन्जमा उपचारका क्रममा उनको बेलुका ५ः२० बजे मृत्यु भएको अस्पतालले जनाएको छ । स्वास्थ्यमा समस्या आएपछि कातिक २ गते भेरी अस्पतालमा भर्ना भएका थिए । उनको त्यसैदिन स्वाव संकलन गरिएको थियो । त्यसको भोलिपल्ट रिपोर्ट पोजेटिभ आएको थियो ।

उनको उपचारकै क्रममा आज मृत्यु भएको अस्पतालले जनाएको छ । योसँगै बाँकेमा भाइरस संक्रमणबाट मृत्यु हुनेको संख्या ३५ पुगेको छ ।