काठमाडौ २१,कात्तिक ।
देशभरका विभिन्न प्रयोगशालामा गरिएको पीसीआर परीक्षणमा शुक्रबार थप २ हजार ९०९ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा १० हजार १५३ जनाको पीसीआर परीक्षण गर्दा १ हजार १३३ महिला र १ हजार ७७६ पुरुषमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै देशभर संक्रमितको कुल संख्या १ लाख ८८ हजार ८८३ पुगेको छ। पछिल्लो २४ घण्टामा देशभरबाट ४ हजार ५०० जना संक्रमण मुक्त भई डिस्चार्ज भएका छन् । योसँगै संक्रमणमुक्त हुनेको कुल संख्या १ लाख ५२ हजार ९०८ पुगेको छ ।
अब देशभर ३४ हजार ९०५ जना सक्रिय संक्रमित रहेको मन्त्रालयले जनाएको छ ।
पछिल्लो २४ घण्टामा देशभर थप १८ जनाको मृत्यु भएको छ । हालसम्म देशभर कोरोना भाइरसको संक्रमणबाट मृत्यु हुनेको संख्या १ हजार ७० पुगेको छ ।
