धनगढी २१, कात्तिक ।
कोरोना संक्रमणका कारण कैलालीको गौरीगंगा नगरपालिकाका वडाध्यक्ष नरेन्द्रबहादुर शाहको मृत्यु भएको छ। गौरीगंगा– ३ का वडाध्यक्ष शाहको सेती प्रादेशिक अस्पतालमा उपचारका क्रममा मृत्यु भएको हो। नगरपालिकाका प्रवक्ता समेत रहनुभएका ६३ वर्षीय शाहको शुक्रबार बिहान ६ः२५ बजे मृत्यु भएको नेकपाका जिल्ला कमिटी सदस्य दीर्घ जोशीले जानकारी दिनुभयो ।
शाह विगत १० दिनदेखि सेती प्रादेशिक अस्पतालको कोरोना विषेश अस्पतालमा उपचार गराइरहनुभएको थियो ।
