काठमाडौं १०,कार्तिक ।
देशभरका विभिन्न प्रयोगशालामा गरिएको पीसीआर परीक्षणमा थप १ हजार ७४१ जनामा कोरोना भाइरस संक्रमण पुष्टि भएको छ ।
कुल ५ हजार ६ नमूना परीक्षणमा गर्दा १०६४ पुरुष र ६७७ महिला गरि जम्मा १७४१ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै देशभर कुल कोरोना संक्रमितको संख्या १ लाख ५९ हजार ८३० पुगेको छ । पछिल्लो २४ घण्टामा देशभरबाट ४ हजार ५ जना संक्रमण मुक्त भई डिस्चार्ज भएका छन् । अब देशभर सक्रिय संक्रमितको संख्या ४३ हजार २९२ रहेको छ ।
त्यस्तै पछिल्लो २४ घण्टामा थप १५ जनाको मृत्यु भएको छ । हालसम्म कोरोना संक्रमणबाट मृत्यु हुनेको संख्या ८६२ पुगेको छ ।
