नेपालगन्ज ९, कार्तिक ।
आइतबार बाँकेका विभिन्न आइसोलेसनमा रहेका १ सय ५७ जना कोरोना संक्रमण मुक्त भएर डिस्चार्ज भएका छन् ।
बाँकेका कोरोना फोकल पर्सन नरेश श्रेष्ठका अनुसार जिल्लाका विभिन्न आइसोलेसनमा रहेका ९८ जना पुरुष र ५९ जना महिला गरि जम्मा १ सय ५७ जना डिस्चार्ज भएका हुन् ।
योसँगै जिल्लामा डिस्चार्ज हुनेको कुल संख्या २ हजार ५ सय १४ पुगेको छ । जिल्ला कोभिड १९ संकट व्यवस्थापन केन्द्रका अनुसार जिल्लामा विरामीको निको हुने दर प्रति सयमा ८४ं.४५ प्रतिशत रहेको छ ।
अब ४ सय ३३ जना विभिन्न आइसोलेसनमा स्वास्थ्य लाभ गरिरहेका छन् ।
