सुर्खेत ८, कात्तिक ।
पछिल्लो २४ घण्टामा थप ५८ जनामा कोरोना संक्रमण पुष्टि भएसँगै कर्णाली प्रदेशमा संक्रमितको संख्या ५ हजार ६ सय ७३ पुगेको छ ।
प्रदेशका विभिन्न पीसीआर प्रयोगशालाहरुमा ३ सय १७ जनाको नमूना परीक्षण गर्दा ५८ जनामा संक्रमण पुष्टि भएको सामाजिक विकास मन्त्रालयले फेसबुक मार्फत जाककारी दिएको छ ।
प्रदेशभर अहिलेसम्म ८६ हजार ६ सय २२ जनाको नमूना परीक्षण गरिसकिएको मन्त्रालयले जनाएको हो ।
