नेपालगन्ज ८, कात्तिक ।

कोरोना भाइरस संक्रमणबाट नेपालगन्जका ५० बर्षीय पुरुषको मृत्यु भएको छ । नेपालगन्ज उपमहानगरपालिका-१ धम्वोजीका ती पुरुषको उपचारका क्रममा भेरी अस्पतालमा शुक्रबारराती मृत्यु भएको हो ।

कोरोनासँग मिल्दो जुल्दो लक्षण देखिएपछि ती पुरुषले असोज २५ गते बागेश्वरी प्रयोगशालामा परीक्षणका लागि स्वाव दिएका थिए । उनको भोलिपल्ट रिपोर्ट पोजेटिभ आएको थियो ।

श्वासप्रश्वासमा समस्या आएपछि उनी असोज २७ गते भेरी अस्पतालमा भर्ना भएका थिए । तर स्वास्थ्य अवस्थामा सुधार नआएपछि उनको शुक्रबार राती १० बजे मृत्यु भएको जिल्ला कोभिड-१९ संकट व्यवस्थापन केन्द्र बाँकेका फोकलपर्सन नरेश श्रेष्ठले जानकारी दिनुभयो ।

योसँगै बाँकेमा कोरोना संक्रमणबाट मृत्यु हुनेको संख्या ३० पुगेको छ ।