नेपालगन्ज ६, कात्तिक ।
बाँकेमा पाँच महिनाको अवधिमा कोरोना भाइरस संक्रमणबाट २९ जनाको निधन भएको छ । ११ महिला र १८ पुरुष गरी २९ जनाको मृत्यु भएको जिल्ला कोभिड १९ संकट व्यवस्थापन केन्द्र बाँकेले जनाएको छ । गएको जेठ महिनादेखि असोजसम्मको तथ्याङ्क हेर्दा सबैभन्दा धेरै असोज महिनामा कोरोना भाइरस संक्रमणबाट १८ जनाले ज्यान गुमाएका छन् ।
मृतकहरुको विवरणः
१–नरैनापुर गाउँपालिका–५ नरैनापुरका २५ बर्षीय युवकको जेठ ४ गते विहान ६ः ४० बजे मृत्यु भएको थियो । भारतबाट आएका तीन पुरुष स्थानीय दीपेन्द्र प्राविको क्वारेन्टिनमा बसेका थिए । उनको त्यही मृत्यु भएको थियो ।
२–बैजनाथ गाउँपालिका–६ की ४६ बर्षीया महिलाको उपचारकै क्रममा नेपालगन्ज मेडिकल कलेज कोहलपुरमा असार ३ गते विहान ६ः३० बजे मृत्यु भयो । कोभिड संक्रमण पुष्टि भएको दुई दिनपछि उनको उपचारका क्रममा मृत्यु भएको थियो ।
३–कोहलपुर नगरपालिकाकी ७० बर्षीया महिलाको साउन २५ गते मृत्यु भएको थियो । त्यसको दुई दिन अघि उनलाई भाइरस संक्रमण पुष्टि भएको थियो । उनको उपचारकै क्रममा क्रममा नेपालगन्ज मेडिकल कलेज कोहलपुरमा मृत्यु भएको हो ।
४–नेपालगन्ज उपमहानगरपालिका–५ का ६२ बर्षीय पुरुषको भदौ १ गते राती ११ः४० बजे मृत्यु भयो । उनी त्यसैदिन नेपालगन्ज मेडिकल कलेज कोहलपुरमा भर्ना भएका थिए ।
५–नेपालगन्ज उपमहानगरपालिका–१ का ३७ बर्षीय पुरुषको भदौ १० गते राती ११ः४० बजे मृत्युभयो । उनी त्यसको दुई दिन अघि नेपालगन्ज मेडिकल कलेज कोहलपुरमा भर्ना भएका थिए ।
६–नेपालगन्ज उपमहानगरपालिका–७ की ७० बर्षीया महिलाको भदौ ११ गते विहान ११ः४० बजे मृत्युभयो । उनी ३ गते नेपालगन्ज मेडिकल कलेज कोहलपुरमा भर्ना भएकी थिइन् ।
७– नेपालगन्ज उपमहानगरपालिका–९ का ५९ बर्षीय पुरुषको भदौ २१ गते विहान ८ः४० बजे नेपालगन्ज मेडिकल कलेज कोहलपुरमा मृत्युभयो । उनीहरु तीन दिन अघि अस्पताल भर्ना भएका थिए ।
८– नेपालगन्ज उपमहानगरपालिका–१६ की ६० बर्षीया महिलाको भदौ २३ गते विहान ७ बजे नेपालगन्ज मेडिकल कलेज कोहलपुरमा मृत्यु भयो । उनी त्यसको दुई दिन अघि अस्पताल भर्ना भएकी थिइन् ।
९– नेपालगन्ज उपमहानगरपालिका–१ का ४५ बर्षीय पुरुषको असोज १ गते ५ः१५ बजे मृत्यु भयो । उनी त्यसैदिन भेरी अस्पतालमा उपचारका लागि भर्ना भएका थिए ।
१०– नेपालगन्ज उपमहानगरपालिका–२१ का ५९ बर्षीय पुरुषको असोज ३ गते राती ११ः३० बजे मृत्यु भयो । भेरी अस्पतालमा भदौ २० गते भर्ना भएका उनको उपचारकै क्रममा मृत्यु भएको थियो ।
११–सुर्खेत गुर्वाकोट–४ का ५८ बर्षीय पुरुषको असोज ५ गते विहान ६ः २५ बजे मृत्युभयो । उनी कोहलपुरमै बस्दै आएकाले मृत्युको विवरण बाँकेमै समेटिएको हो । उनी भदौ २२ गते भेरी अस्पतालमा भर्ना भएका थिए ।
१२– नेपालगन्ज उपमहानगरपालिका–३ एक्लैनीका ५२ बर्षीय पुरुषको असोज ९ गते विहान २ः२५ बजे मृत्यु भयो । कोहलपुर मेडिकल कलेजमा असोज ६ गते भर्ना भएका उनको उपचारकै क्रममा मृत्युभएको हो ।
१३–नेपालगन्ज उपमहानगरपालिका–९ का ४७ बर्षका पुरुषको असोज ११ गते विहान ५ बजे मृत्यु भयो । कोहलपुर मेडिकल कलेजमा असोज ६ गते भर्ना भएका उनको उपचारकै क्रममा मृत्युभएको हो ।
१४–कोहलपुर नगरपालिका–१४ की ७९ बर्षीया महिलाको असोज १२ गते दिउँसो २ः१५ बजे मृत्युभयो । उनी त्यसैदिन कोहलपुर मेडिकल कलेजको आइसोलेसन वार्डमा उपचारका लागि भर्ना भएकी थिइन् ।
१५–नेपालगन्ज उपमहानगरपालिका–७ का ३९ बर्षीय पुरुषको असोज १३ गते विहान ३ः३० बजे मृत्यु भयो । भदौ ३१ गते कोहलपुर मेडिकल कलेजमा भर्ना भएका उनको उपचारकै क्रममा मृत्यु भएको हो ।
१६–कोहलपुर नगरपालिका–१० का ५३ बर्षीय पुरुषको असोज १३ गते विहान ४ः१५ बजे मृत्यु भयो। उनी असोज ६ गते कोहलपुर मेडिकल कलेजमा भर्ना भएका थिए ।
१७–नेपालगन्ज उपमहानगरपालिका–१ की ३७ बर्षीया महिलाको असोज १४ गते ५ः२० बजे मृत्युभयो । असोज २ गते भर्ना भएकी उनको उपचारका क्रममा भेरी अस्पतालमा मृत्यु भएको हो ।
१८– नेपालगन्ज उपमहानगरपालिका–४ का ५२ बर्षीय पुरुषको असोज १५ गते बेलुका ५ः२० बजे मृत्यु भयो । उनी असोज १२ गते भेरी अस्पतालमा भर्ना भएका थिए ।
१९– खजुरा गाउँपालिका–८ का ५९ बर्षीय पुरुषको असोज १५ गते दिउँसो ३ः १० बजे मृत्युभयो । उनी असोज १ गते भेरी अस्पतालमा भर्ना भएका थिए ।
२०– नेपालगन्ज उपमहानगरपालिका–९ की २५ बर्षीया महिलाको असोज १७ गते बेलुका ४ः४५ बजे मृत्यु भयो । भदौ ३० गते भर्ना भएकी उनको उपचारकै क्रममा भेरीमा मृत्युभएको हो ।
२१–नेपालगन्ज उपमहानगरपालिका–१२ का ६० बर्षीय पुरुषको असोज १७ गते बेलुलका ४ः५६ बजे मृत्युभयो । उनी असोज १५ गते भेरीमा भर्ना भएका थिए ।
२२– नेपालगन्ज उपमहानगरपालिका–६ का ७२ बर्षीय पुरुषको असोज १८ गते विहान ६ बजे मृत्यु भयो । उनलाई असोज १२ गते कोरोना संक्रमण पुष्टि भएको थियो । उनी होमआइसोलेसनमा बस्दै आएका थिए । उनको घरमै मृत्युभयो ।
२३–नेपालगन्ज उपमहानगरपालिका–१ का ८५ बर्षीया महिलाकोे असोज २३ गते दिउँसो ३ बजे मृत्युभयो । उनी त्यसको दुई दिन अघि भेरीमा भर्ना भएकी थिइन् ।
२४–कोहलपुर नगरपालिका–९ का ३८ बर्षीय पुरुषको असोज २३ गते राती ११ बजे मृत्युभयो । संक्रमण पुष्टि भएपछि सुरुमा उनको कोहलपुर मेडिकल कलेजमा उपचार गरिएको थियो । थप उपचारका लागि भेरी अस्पतालमा ल्याएलगत्तै उनको मृत्युभयो ।
२५–नेपालगन्ज उपमहानगरपालिका–१० का ८४ बर्षीय पुरुषको असोज २४ गते राती ९ः ५५ बजे मृत्युभयो । असोज ७ गते भर्ना भएका उनको उपचारकै क्रममा भेरीमा मृत्युभएको हो ।
२६–कोहलपुर नगरपालिका–८ का ७१ बर्षीया महिलाको असोज २४ गते राती १० बजे मृत्युभयो । उनी असोज १४ गते भेरीमा भर्ना भएकी थिइन् ।
२७– जानकी गाउँपालिका ६ बाँकेका ६५ बर्षीय पुरुषको असोज २८ गते राती १० बजे मृत्युभयो । ती पुरुष असोज १० गते भेरीमा भर्ना भएका थिए ।
२८–नेपालगन्ज उपमहानगरपालिका–१० का ६१ बर्षका पुरुषको असोज ३० गते राती ९ बजे मृत्युभयो । उनी असोज २५ गते भेरीमा भर्ना भएका थिए ।
२९–नेपालगन्ज उपमहानगरपालिका–१९ की १८ बर्षीया महिलाको असोज ३० गते राती ९ः३० बजे मृत्युभयो । उनी असोज २९ गते मेडिकल कलेज कोहलपुरमा भर्ना भएकी थिइन् ।
