काठमाडौं ५, कात्तिक ।
बीपी कोइराला स्वास्थ्य विज्ञान प्रतिष्ठान धरानमा उपचाररत एकजना कोरोना संक्रमित महिलाको मृत्यु भएको छ ।
गडी–४ सुनसरीकी ५५ वर्षीया महिलाको मंगलवारराती ९ बजे मृत्यु भएको प्रतिष्ठानका सहप्रवक्ता डा आशिष श्रेष्ठले जानकारी दिनुभयो । ती महिलामा उच्च रक्तचापको पनि समस्या थियो ।
मंगलबार प्रतिष्ठानमा उपचारका लागि भर्ना भएकी उनको सोही दिन कोरोना पुष्टि भएको थियो ।
