काठमाडौं २८, असोज ।
नेपालमा बुधवार थप दुई हजार ६३८ जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार पछिल्लो २४ घण्टामा देशभर दुई हजार ६३८ संक्रमित थपिएका हुन् ।
योसँगै कुल संक्रमितको संख्या एक लाख १७ हजार ९९६ पुगेको छ । देशभर आजसम्म सक्रिय संक्रमितको संख्या ३६ हजार ३६७ रहेको छ । पछिल्लो २४ घण्टामा दुई हजार १७४ जना डिस्चार्ज भएका छन् ।
त्यसैगरी हालसम्म ८० हजार ९५४ जना डिस्चार्ज भएका छन् । देशभर ७० जनाको भेन्टिलेटरमा उपचार भइरहको छ । देशभर ३०५ जना आईसीयूमा राखेर उपचार भइरहेको छ ।
पछिल्लो २४ घण्टामा देशभरका प्रयोगशालाहरुमा १३ हजार ९४७ जनाको पीसीआर परीक्षण गरिएको छ । आजसम्म १२ लाख २१ हजार ३८ जनाको पीसीआर परीक्षण गरिएको छ ।
यस्तै कोरोना भाइरसको संक्रमणबाट थप १२ जनाको मृत्यु भएको छ । हालसम्म कोरोना संक्रमणबाट मृत्यु हुनेको संख्या ६७५ पुगेको छ ।
