काठमाडौ २७, असोज ।
फुटबल स्टार क्रिस्टियानो रोनाल्डोलाई कोरोना संक्रमण पुष्टि भएको छ । पोर्चुगल तथा युभेन्टसका स्टार स्ट्राइकर क्रिस्टियानो रोनाल्डोलाई मंगलबार संक्रमण पुष्टि भएको पोर्चुगल फुटबल महासंघले जनाएको छ ।
उनलाई कुनै लक्षण नदेखिएको र उनी आइसोलेसनमा रहेको महासंघले जानकारी दिएको छ । उनले अब स्वीडेनविरुद्धको खेल गुमाउने भएका छन् ।
पोर्चुगलले नेसनस लिग अन्तर्गत समूह सीको चौथो खेल घरेलु मैदानमा बुधबार राति खेल्ने छ ।
