काठमाडौं २५, असोज ।
सरकारसँग भएको सहमतिसँगै प्रा.डा गोविन्द केसीले १९ औँ सत्याग्रह अन्त्य गर्नुभएको छ । आइतबार बिहान आयोजित पत्रकार सम्मेलनमा डा केसीले जुस सेवन गरेर अनशन तोड्नुभएको हो ।

चिकित्सा शिक्षामा सुधारको माग राख्दै अनशनरत डा केसी र सरकारबीच शनिबार मध्यरातमा आठ बुँदे सहमति भएको थियो

डा केसीले १९ औँ पटकको सत्याग्रह जुम्लाबाट सुरु गर्नुभएको थियो । जुम्लामा अनशन बस्न असुरक्षित भएको भन्दै उहाँ नेपालगञ्ज हुँदै काठमाडौँ जानुभएको थियो । सकारसँग सहमति भएपछि उहाँ २७ औँ दिनमा अनशन तोड्न सहमत भएका हुनुभएको हो ।