नेपालगन्ज २४,असोज ।

नेपालगन्जमा थप एकजना कोरोना भाइरस संक्रमित विरामीको मृत्यु भएको छ । नेपालगन्ज उपमहानगरपालिका १० का ८४ बर्षीय पुरुष को भेरी अस्पताल नेपालगन्जमा शनिवार राती मृत्यु भएको हो ।

स्वास्थ्यमा समस्या देखिएपछि कोभिडको आंशकामा असोज ६ गते बागेश्वरी ल्याबबाट उनको स्वाव संकलन गरिएको थियो ।

असोज ७ गते कोभिड पोजिटिभ रिर्पोट आएपछि अस्पताल भर्ना भएका उनलाई स्वास्थ्यमा सुधार नआएपछि भेन्टिलेटरमा राखेर समेत उपचार गरिएको थियो ।
श्वासप्रश्वासमा समस्या र कडा खालको कोरोना संक्रमणका कारण उनको मृत्यु भएको बाँकेका कोरोना फोकल पर्सन नरेश श्रेष्ठले जानकारी दिनुभयो । योसँगै बाँकेमा कोरोना भाइरस संक्रमणबाट मृत्यु हुनेको संख्या २५ पुगेको छ ।