नेपालगन्ज २३, असोज ।
बाँकेमा शनिवार थप ३८ जनामा कोरोना भाइरस संक्रमण पुष्टि भएको छ । तीनवटा प्रयोगशालामा गरिएको पीसीआर परीक्षणमा ३८ जनामा संक्रमण फेला परेको बाँकेका कोरोना फोकलपर्सन नरेश श्रेष्ठले जानकारी दिनुभयो ।
भेरी अस्पताल प्रयोगशालामा २३, नेपालगन्ज मेडिकल कलेज शिक्षण अस्पताल कोहलपुरमा ९ र कोहलपुरमै रहेको बागेश्वरी प्रयोगशालामा ६ जना गरी ३८ जनामा भाइरस पुष्टि भएको हो । योसँगै बाँकेमा संक्रमितको संख्या २ हजार ३ सय २७ पुगेको छ । शनिवार २४ जना डिस्चार्ज भएका थिए ।
योसँगै डिस्चार्ज हुनेको संख्या १ हजार ७ सय ६२ पुगेको छ । बाँकेमा कोरोना भाइरस संक्रमणबाट २३ जनाको मृत्यु भएको छ ।
