काठमाडौं २२, असोज ।
राष्ट्रिय चिकित्सा शिक्षा आयोगले स्नात्तकोत्तर तह (पिजी)को एकीकृत प्रवेश परीक्षा स्थगित गरेको छ। आयोगले सर्वोच्च अदालको अन्तरिम आदेशपछि परीक्षा स्थगित गरिएको आयोगका प्रवक्ता डिल्लीराम लुईटेलले बताउनुभयो ।
परीक्षाका लागि ७ हजारभन्दा बढीले फर्म भरेका छन्।आयोगले असोज २७, २८ र २९ गते परीक्षा मिति तोकेको थियो। तर अब अदालतको आदेश पछि उक्त मितिमा परीक्षा नहुने भएको हो।आयोगले परीक्षाका लागि असोज १ देखि १५ गतेसम्म फर्म भर्न सूचना जारी गरेको थियो।
आयोगले एमडि र एमएस, एमडिएस, एमिपएच, एमिपएचएन, एएचपिई, एमएन, एमएससी नर्सिङ, एम फर्मा, एमएससी एमआइटी लगायतका विषयमा परीक्षाको तयारी गरेको थियो।
