नेपालगन्ज २२, असोज ।
बाँकेमा विहीबार थप ५१ जना कोरोना भाइरसका संक्रमित थपिएका छन् । योसँगै संक्रमितको संख्या दुई हजार दुई सय ८९ पुगेको छ ।
जिल्लाका तीनवटा प्रयोगशालामा गरिएको परीक्षणमा विहीबार ५१ जनामा भाइरस संक्रमण पुष्टि भएको बाँकेका कोरोना फोकल पर्सन नरेश श्रेष्ठले जानकारी दिनुभयो ।
भेरी अस्पताल नेपालगन्ज प्रयोगशालामा २७, नेपालगन्ज मेडिकल कलेज शिक्षण अस्पताल कोहलपुर प्रयोगशालामा २० र बागेश्वरी प्रयोगशालामा ४ जना गरी १५ महिलासहित ५१ संक्रमित फेला परेका हुन् ।
जिल्लामा अव पाँच सय २८ जना उपचाररत् छन् । १ हजा ७ सय ३८ जना निको भएर डिस्चार्ज भइसकेका छन् ।
