बुटवल २२, असोज ।
कोरोना भाइरस संक्रमणबाट रुपन्देहीमा एक जनाजनप्रतिनिधिको निधन भएको छ ।

सिद्धार्थनगर नगरपालिका—५ का ४७ वर्षीय वडा सदस्य इन्जिनियर सुबोध तुलाचनको बुधबार राति उपचारका क्रममा युनिभर्सल मेडिकल कलेज भैरहवामा निधन भएको अस्पतालका प्रशासन प्रमुख तेज केसीले जानकारी दिनुभयो । कोरोना पोजेटिभ देखिएपछि उहाँ घरमै आइसोलेसनमा बस्नुभएको थियो ।

गत असोज १४ गते एक्कासी बेहोस भएपछि अस्पतालमा भर्ना गरिएको थियो । उहाँको भेन्टिलेटरको सहायतामा उपचार भैरहेको थियो । रेमडिसिभिर र प्लाज्मा थेरापीबाट समेत उपचार गरिएको भएपनि सफल हुन नसकेको केसीले बताउनुभयो ।