काठमाडौं १९, असोज ।
देशभर कोरोना भाइरसका थप दुई हजार ४४० संक्रमित फेला परेका छन् । स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार पछिल्लो २४ घण्टामा देशभर दुई हजार ४४० संक्रमित थपिएसँगै संक्रमितको संख्या ८९ हजार २६३ पुगेको छ ।
पछिल्लो २४ घण्टामा एक हजार १३३ जना डिस्चार्ज भएका छन् । त्यसैगरी हालसम्म ६५ हजार २०२ जना डिस्चार्ज भएका छन् । पछिल्लो २४ घण्टामा कोरोना भाइरसको संक्रमणबाट थप १९ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ५५४ पुगेको छ ।
देशभर आजसम्म सक्रिय संक्रमितको संख्या २३ हजार ५०७ रहेको छ । पछिल्लो २४ घण्टामा देशभरका प्रयोगशालाहरुमा १३ हजार ७८१ जनाको पीसीआर परीक्षण गरिएको छ । आजसम्म १० लाख ८८ हजार २२९ जनाको पीसीआर परीक्षण गरिएको छ ।देशभर ४३ जनाको भेन्टिलेटरमा उपचार भइरहको छ भने २४४ जनाको आईसीयूमा राखेर उपचार भइरहेको छ ।
