नेपालगन्ज १८, असोज ।
बाँकेमा आइतवार थप १४ जना कोरोना भाइरस संक्रमित थपिएका छन् । भेरी अस्पताल प्रयोगशालामा १० जना, नेपालगन्ज मेडिकल कलेज शिक्षण अस्पताल कोहलपुर प्रयोगशाला र बागेश्वरी प्रयोगशालामा दुई-दुईजना गरी १४ जना नयाँ संक्रमित थपिएका हुन् ।
योसँगै बाँकेमा कोरोना भाइरस संक्रमितको संख्या २ हजार ५० पुगेको छ । संक्रमितमध्ये १ हजार ६ सय २ जना उपचारपछि घर फर्किसकेका छन् । बाँकेमा अहिलेसम्म भाइरस संक्रमणबाट ३० जनाले ज्यान गुमाएका छन् ।
तीमध्ये १० जना उपचारका लागि आएका जिल्ला बाहिरका विरामी रहेको बाँकेका कोरोना फोकल पर्सन नरेश श्रेष्ठले जानकारी दिनुभयो ।
