नेपालगन्ज १७, असोज ।
भेरी अस्पताल नेपालगन्ज प्रयोगशालामा गरिएको परीक्षणमा थप ४० जनामा कोरोना संक्रमण पुष्टी भएको छ । गत २४ घन्टामा १३१ नमूना परीक्षण गरिएकोमा ४० जना संक्रमित थपिएका हुन् ।
बाँकेका २४ जना, बर्दियाका ११ जना, जुम्ला, हुम्ला, रुकुम, बारा र सर्लाहीका एकएक जनामा कोरोना संक्रमण देखिएको अस्पतालले जनाएको छ ।
नेपालगन्जको राझास्थित आर्मी अस्पतालमा थप ७ जनामा भाइरस संक्रमण देखिएको थियो । यसअघि त्यहाँका १८ जनामा संक्रमण देखिएको थियो ।
