काठमाडौं १६, असोज ।
मेडिकल शिक्षा सुधारको मागसहित सत्याग्रमा रहेका डा गोविन्द केसीलाई पूर्वराष्ट्रपति डा रामवरण यादव शिक्षण अस्पताल महाराजगन्ज पुगेर भेट गर्नुभएको छ ।
डा केसी अनशन बसेको आज १९ दिन पुगेको छ । जुम्लामा रहेका केसीले त्यहीँबाटै सत्याग्रह थाल्नुभएको थियो । उहाँ केही दिनअघि काठमाडौं आएर त्रिवि शिक्षण अस्पताल महाराजगन्जमा सत्याग्रहमा हुनुहुन्छ । उहाँको स्वास्थ्य अवस्था जटिल बन्दै गए पनि सरकारले अहिलेसम्म वार्ताको कुनै पहल गरेको छैन ।
भेटमा यादवले डा केसीले उठाएका माग जनआवाज भएको बताउनुभएको थियो। ‘तपाईंजस्तो मान्छे मुलुकलाई चाहिन्छ,’ यादवले भन्नुभएको थियो ।
