सुर्खेत १५, असोज ।
सुर्खेत भेरीगंगा नगरपालिका-१ की ३५ वर्षीया महिलामा मृत्युपछि कोरोना संक्रमण पुष्टी भएको छ ।
वीरेन्द्रनगर नगरपालिका-११ मा डेरा गरी बस्ने ती महिला आफनो डेरामा गत मंगलवार मृत अवस्थामा फेला परेकी थिइन । कर्णाली प्रदेश सामाजिक विकास मन्त्रालयका अनुसार मृतकको बुधवार स्वाब परीक्षण गरिएको र सो परीक्षणमा उनमा कोरोना संक्रमण देखिएको हो ।
कोरोना संक्रमण पुष्टीपछि उनको शव स्थानीय प्रशासनको समन्वयमा नेपाली सेनाले व्यवस्थापन गरेको छ ।
