बुटवल १५, असोज ।
बुटवलमा थप एकजनाको कोरोना भाइरस संक्रमणबाट मृत्यु भएको छ । बुटवल उपमहानगरपालिका-८ का ८० वर्षीय पुरुषको गएराति साढे ११ बजे मृत्यु भएको हो ।
उनको बुटवल धागो कारखानामा सञ्चालित कोरोना विशेष अस्थायी अस्पतालमा उपचारका क्रममा मृत्यु भएको अस्पतालका सूचना अधिकारी डा विष्णु गौतमले जानकारी दिनुभयो ।
असोज १२ गते कोरोना संक्रमण पुष्टि भएका उनी बुधबार बिहान साढे ६ बजे अस्पताल भर्ना भएका थिए । उनी उच्च रक्तचापका दीर्घ रोगी रहेको चिकित्सकहरुले बताएका छन् ।
