नेपालगन्ज १२, असोज ।
भेरी अस्पताल नेपालगञ्ज प्रयोगशालामा गरिएको परीक्षणमा थप ३३ जनामा कोरोना भाइरस संक्रमण पुष्टि भएको छ । पछिल्लो २४ घण्टामा १ सय ३४ नमुना परीक्षण गर्दा बाँकेका १४, बर्दियाका १८ र पाल्पाका १ जनामा कोरोना भाइरस संक्रमण पुष्टि भएको हो ।
भेरी अस्पतालको ल्यावमा हालसम्म ४० हजार ७ सय ३९ नमुना परीक्षण गरिएको छ । त्यसमा पोजेटिभ केस २ हजार ४ सय १६ फेला परेको अस्पतालका कोरोना फोकलपर्सन डा.संकेत रिसालले जानकारी दिनुभयो ।
उहाँका अनुसार, अव ल्यावमा ८२ वटा स्वावमात्र परीक्षणको प्रक्रियामा छन् । बाँकेका ७४ वटा स्वाव हो भने अरु बाहिरी जिल्लाको भएको अस्पतालले जनाएको छ ।
