नेपालगन्ज ९, असोज ।
कोरोना भाइरस संक्रमणबाट बाँकेमा थप एकजनाको ज्यान गएको छ । नेपालगन्ज उपमहानगरपालिका-३ एक्लैनीका ५२ बर्षीय पुरुषको नेपालगन्ज मेडिकल कलेज शिक्षण अस्पताल कोहलपुरमा उपचारका क्रममा शुक्रबार विहान २ः २५ बजे मृत्यु भएको स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो ।

स्वास्थ्यमा समस्या देखिएपछि ती पुरुषलाई मंगलवार अस्पताल भर्ना गरिएको थियो । बुधवार उनको कोरोना परीक्षण रिपोर्ट पोजेटिभ आएको थियो । स्वास्थ्य अवस्था गम्भीर भएपछि उनलाई रेमडिसिभिर औषधि समेत दिइएको थियो । उनको दुवैतिरको फोक्सोमा निमोनिया भएको उपचारमा संलग्न चिकित्सकहरुले बताए ।

योसँगै बाँकेमा कोरोना भाइरस संक्रमणबाट ज्यान गुमाउनेको संख्या १२ पुगेको छ ।