नेपालगन्जमा थप ६ जनामा कोरोना, संक्रमितको संख्या १६ पुग्यो

    • स्वास्थ्य पेज

  • २१ बैशाख २०७७, आईतवार

नेपालगन्ज २१ बैशाख ।

नेपालगञ्जमा थप ६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालय स्रोतका अनुसार भेरी अस्पतालमा गरिएको परीक्षणमा उनीहरुमा कोरोना संक्रमण देखिएको हो । यसअघि आइतबार नै मन्त्रालयले ९ जनामा कोरोना संक्रमण भएको जानकारी दिएको थियो ।

केही दिनअघि नेपालगञ्ज उपमहानगरपालिकाका ६० वर्षका एक व्यक्तिमा कोरोना संक्रमण पुष्टि भएको थियो । ती ब्यक्तिको कन्ट्याक ट्रेसिङ गरेर ९० जनाको स्वाब संकलन गरी परीक्षणका लागि प्रयोगशाला लगिएको थियो । तीमध्ये परीक्षण भइसकेको नमुनामा अहिलेसम्म १५ जनामा कोरोना संक्रमण पुष्टि भएको छ । दुई दिन अघि ६० बर्षीय पुरुषमा कोरोना संक्रमण भेटिएको थियो । अहिलेसम्म सक्रमितको सख्या १६ पुगेको छ । ३० जनाको रिपोर्ट आउँन बाँकी छ ।


Nabintech