नेपालगन्ज ३१, भदौं ।
बाँकेका बुधबार थप २४ जनामा कोरोना संक्रमण पुष्टि भएको छ । भेरी अस्पताल प्रयोगशालामा गरिएको परिक्षणमा १५ जना, नेपालगन्ज मेडिकल कलेज शिक्षण अस्पताल कोहलपुर प्रयोगशालामा गरिएको परिक्षणमा ६ जना र बागेश्वरी डाइग्नोष्टिकको प्रयोगशालामा गरिएको परिक्षणमा ३ जनागरी २४ जनामा भाइरस संक्रमण देखिएको हो ।
बुधवार थपिएका २४ सहित बाँकेमा कोरोनाबाट संक्रमित हुनेको संख्या १ हजार ५ सय ३६ पुगेको छ । अहिलेसम्म १ हजार ८८ जना संक्रमित कोरोना मुक्त भइ डिस्चार्ज भइसकेको स्वास्थ्य कार्यालयका कोरोना फोकलपर्सन नरेश श्रेष्ठले जानकारी दिनुभयो ।
जिल्लामा रहेका विभिन्न आइसोलेसनमा ४ सय ४० जना सक्रिय संक्रमित उपचाररत् छन । बाँकेमा भाइरस संक्रमणबाट ८ जनाको मृत्यु भएको छ ।
