नेपालगन्ज ३०, भदौ ।
पत्रकार दामोदर भण्डारीसहित बाँकेमा मंगलवार थप ४२ जना डिस्चार्ज भएका छन् । पत्रकार भण्डारीलाई लक्षण चिन्हसहितको भाइरस संक्रमण देखिएको थियो ।

नेपालगन्ज मेडिकल कलेज शिक्षण अस्पताल कोहलपुरको ओइसोलेसनबाट कोरोना जितेर घर फर्कनु अघि पत्रकार भण्डारीले अहिले आफु पूर्णरुपमा ठिक भएको स्वास्थ्य पेजलाई बताउनुभयो । उहाँलाई फोक्सोमा निमोनिया समेत भएको थियो ।

भण्डारीसहित बाँकेका चारैजना पत्रकारले भाइरसलाई परास्त गर्न सफल हुनुभएको छ । मंगलवार डिस्चार्ज भएकाहरुसहित बाँकेमा कोरोना भाइरस संक्रमणबाट मुक्त हुनेको संख्या एक हजार ७८ पुगेको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो ।