बुटवल २६, भदौ।
प्रदेश ५ मा अहिलेसम्म ७ हजार ८ सय १५ जना कोरोनाबाट संक्रमित भएका छन् । जसमध्ये ५ हजार ८ सय ९ संक्रमित निको भइ घर फर्किएको सामाजिक विकास मन्त्रालयले जनाएको छ ।
शुक्रबारको मिडिया ब्रिफिङ सामाजिक विकास मन्त्रालय प्रदेश ५ का प्रवक्ता डा. पुष्पराज पौडेलले पछिल्लो २४ घण्टामा प्रदेशमा ७३ संक्रमित थपिएको बताउनुभयो । जसमा १८ महिला र ५५ पुरुष रहेका छन् । प्रदेशमा अहिलेसम्म २ सय ३ स्वास्थ्यकर्मी र २ सय ५८ प्रहरी समेतलाई संक्रमण पुष्टि भएको छ ।
नयाँ थपिनेमा अर्घाखाँचीका १, दाङका ४, रुपन्देहीका २८, नवलपरासी पश्चिमका ४, रुकुमका ११, पाल्पाका ३ र गुल्मीका १९ रहेका छन् । हाल प्रदेशका आइसोलेनिमा १ हजार ८ सय ८९ संक्रमित उपचाररत रहेका छन् भने ४५ संक्रमितको मृत्यु भइसकेको छ ।
