काठमाडौं २३, भदौ ।
नेपाली कांग्रेसका महामन्त्री शशांक कोइरालालाई कोरोना संक्रमण देखिएको छ । ह्याम्स अस्पतालको प्रयोगशालामा गरिएको पीसीआर परीक्षणमा उहाँको रिपोर्ट पोजेटिभ आएको हो । मंगलबार नै स्वाब दिएका कोइरालाको रिपोर्ट पोजेटिभ आएको उहाँको सचिवालयले जनाएको छ ।

यद्धपी आजै स्टार अस्पतालको प्रयोगशालाले पनि उहाँको नमूना जाँचका लागि पठाइएको छ । त्यहाँको रिपोर्ट भने आइसकेको छैन् ।

उपत्यकामा संक्रमण बढेपछि कोइरालाले परिवार तथा सचिवालयका सबै सदस्यहरुको कोरोना जाँच गराउनुभएको थियो । अरुको रिपोर्ट भने बेलुकासम्म आउने बताइएको छ । मंगलबार विहान पोजेटिभ रिपोर्ट आएपनि उहाँमा अहिलेसम्म कुनै लक्षण देखिएको छैन् ।