नेपालगन्ज २१, भदौ ।
नेकपा बाँकेका सचिव अशोक कोइरालालाई कोरोना भाइरस संक्रमण पुष्टि भएको छ । बाँकेमा आज पुष्टि भएका ३८ जनामा जिल्ला सचिव कोइराला पनि पर्नु भएको छ ।

पार्टी काममा प्रायः बाहिर निस्किरहने जिल्ला सचिव कोइरालालाई सामान्य लक्षण देखिएपछि कोरोना जाँच गरिएको थियो ।
कोइरालालाई आजको दिनमा भने कुनै लक्षण देखिएको छैन । अस्ती सामान्य रुघाखोकी लागेपछि कोरोना जाँच गरेको थिए, रिपोर्ट पोजिटिभ आएछ, कोइरालाले भन्नुभयो, अब १४ दिन आइसोलेसनमा बस्नु पर्ने भयो ।’

यसअघि नेकपा, बाँकेका संगठन विभागका प्रमुख रत्न खत्रीलाई कोरोना देखिएको थियो । उहाँ आइसोलेसन सेन्टरमा बसिरहनु भएको छ ।