दाङ २१, भदौ ।
दाङमा जारी लकडाउन केहि खुकुलो हुने भएको छ । जिल्ला संकट व्यवस्थापन समितिको बैठकले सोमबारदेखि बिहान ६ बजेदेखि दिउँसो १२ सम्म बजार सञ्चालन गर्ने निर्णय गरेको हो ।
जिल्ला प्रशासन कार्यालयमा आइतबार बसेको बैठकले यही २८ गतेसम्म लकडाउन गर्ने र केही खुकुलो बनाउँदै सोमबारदेखि लागु हुने गरि दिउँसो १२ बजेसम्म जोर–बिजोर नम्बर लागु गरेर निजी सवारीसाधन सञ्चालन गर्न दिने निर्णय गरेको प्रमुख जिल्ला अधिकारी गोविन्दप्रसाद रिजालले जानकारी दिनुभयो ।
प्रजिअ रिजालका अनुसार दिउँसो १२ बजेपछि भने नियमित रूपमा लकडाउन हुनेछ ।
